Manna Articles (Afrikaans)

Screen Shot 2011-09-17 at 3.41.04 PM

Espresso… STERK & BITTER maar propvol geur en smaak

Hierdie is 'n reeks artikels wat in die Manna tydskrif verkyn het. Christo het besluit om nie meer in id etydkrif te skryf nie.

Die Christen en Gesondheid


Uit Manna Jan/Feb 2008

Christo Lues

 

Kyk jy ook dikwels na die afkondigingsblaadjie in die kerk en sien die name van tientalle siek mense waarvoor weekliks gebid moet word? Te gereeld is daar nie die herstel waarvoor gehoop of gebid is nie.

 

images-34 copy 4

Of het jy al self vorentoe gegaan vir gebed, vertrou dat jy genees is, net om later uit te vind dat die siekte of probleem steeds teenwoordig is?  

 

Wat nou gemaak? Wil God my dan nie gesond maak nie, glo ek nie genoeg nie, of is daar ʼn stukkie van die legkaart waarvan ek nie weet nie? Ons weet immers nie alles nie...

 

God is groot, God is soewerein, soms gee God genesing, soms nie. God is nie aan ons ʼn antwoord verskuldig oor Sy aksies nie. Hy het egter sekere reëls ingestel op aarde. Daar is sekere natuurwette bv. seisoene,  die wet van gravitasie, ens. As ons hierdie wette minag of ignoreer, is daar sekere gevolge. As ek byvoorbeeld van ʼn vierverdieping gebou se dak afspring in die hoop dat God my lewe gaan red, is daar sekere gevolge. Dan kan my reaksie wees; “maar ek glo dan nie in die wet van gravitasie nie” of “ek het dan gebid dat die engele my sou vang”

 

Hoekom gebeur dit dan nie? Kan God Sy eie wette breek? Natuurlik kan Hy! Dink byvoorbeeld aan die skeiding van die Rooi See, manna uit die hemel, verandering van water in wyn, Moses en die brandende bos, Jona en die vis en talle ander. God kan natuurreëls breek. Hy het dit gedoen vir baie spesifieke redes en Hy het die glorie daarvoor ontvang.

 

Waar laat dit ons?

Jy mag vra, maar wat het God, natuurwette en gesondheid in gemeen? Alles! Net soos sekere reëls en beginsels in die natuur geld, is daar sekere reëls en beginsels ten opsigte van God se tempel op aarde, jou menslike liggaam.

Of ons onkundig is, of nie in die wette glo nie, die uiteinde is dieselfde -  ons liggame gaan agteruit – soms vinnig, soms stadig en pynlik.

 

Wat is hierdie beginsels?

Ons voorouers en ouers het baie van hierdie beginsels geken. Sommige, is ou beginsels, nuut toegepas in die postmoderne era waarin ons, ons bevind. ʼn Era waar daar nuwe en eiesoortige aanslae op die liggaam is soos nooit tevore nie.

 

Ek sien die prentjie van gesondheids-beginsels as ʼn legkaart.

Wanneer jy ʼn legkaart vir die eerste keer uit die boks haal, is dit moeilik om te glo dat die stukkies karton ʼn pragtige prent kan voorstel. Stel jou voor hoe moeilik dit is om die legkaart te bou, as jy nie die prentjie buite op die legkaart boks het, wat wys hoe die eindproduk behoort te lyk nie.

As ons die prentjie het kan ons soek en stukkies pas, totdat ons ʼn pragtige legkaart voltooi het, dit geniet en met ander deel.

 

Gesondheids-legkaartstukke.

Vir 'n gesonde liggaam is daar  verskeie  legkaartstukkies nodig om al die sisteme van ons Godgeskape tempel te laat funksioneer, soos die Skepper dit bedoel het.

Baie keer dink ons, ons pas die regte legkaart stukkies in mekaar. Die realiteit is egter dat die prentjie van gesondheid in ons gedagtes, wat gevorm word deur die media baie keer skeef of onvolledig is. Dit veroorsaak dat ons dink ons weet wat ons doen ten opsigte van ons gesondheid, maar steeds ernstige siektes ontwikkel en dan nie verstaan hoekom dit gebeur nie.  

 

In die volgende paar maande deel ek graag met jou 'n paar van hierdie legkaart stukke, en gaan ek jou help om dit maklik in jou eie lewe toe te pas.

 

Die eerste en waarskynlik die belangrikste legkaart stukkie is om die liggaam skoon te maak.

Ek konsulteer mense op ʼn daaglikse basis oor gesondheid, en vind dat die meeste mense se liggame vol gifstowwe is.

Die belangrikste skoonmaakmiddel in die liggaam is goeie kwaliteit gefiltreerde water.  Dis baie interessant om deur Levitikus te lees, en te sien hoe dat God vir byna alle onreinhede water as skoonmaakmiddel gegee het.

Meeste mense wie ek konsulteer reken dat hulle genoeg vloeistof inneem. Alle vloeistof is egter nie goed vir die skoonmaak van die liggaam nie. Jy gebruik byvoorbeeld nie koffie of tee of sap om jou wasgoed te was nie, nee jy gebruik skoon water.

 

Wanneer jy dus jou liggaam wil skoon was van onsuiwerhede is dit uiters belangrik om die regte soort water te gebruik. Gewone kraanwater is eenvoudig nie goed genoeg nie. Om water aan die massas te voorsien word allerhande chemikalieë by die water gevoeg om skadelike goggas dood te maak. Dis ʼn goeie ding, buite die liggaam, anders vrot die water. Binne die liggaam is dit egter nadelig, omdat dieselfde chemikalieë ook die vriendelike bakterieë binne die spysverteringstelsel doodmaak. Hierdie bakterieë is belangrik om sekere van die mikro voedingstowwe uit kos, om te skakel in vorme wat die liggaam kan aanwend om sy selle te voed. Bakterieë binne die spysverteringskanaal is ook uiters belangrik om ʼn gesonde immuunstelsel te handhaaf.

 

Is gebottelde water dan die alternatief?

Omdat bottel water geen van die nadelige chemikalieë bevat wat in kraanwater voorkom nie, word dit as ʼn beter alternatief beskou. Die probleem is egter, omdat daardie chemikalieë nou nie in die water is nie, kan die bakterieë binne die bottel water sommer maklik aanteel. Hierdie bakterieë is nie altyd goed vir die liggaam nie.

 

Die heel beste water is natuurlike, onbesoedelde bergstroom water. Natuurlike water bevat spoorelemente van essensiële minerale wat ons liggaam benodig om korrek te funksioneer. Ons praat nie van die paar bekende minerale wat mens in meeste goeie multivitamien aanvullings kry nie, nee hierdie is minerale in mikro hoeveelhede byvoorbeeld: Fosfor, Gallium, Silver, Ytterbium, Vanadium, Chroom ens. Ons benodig ongeveer sewentig soorte van hierdie minerale in mikro hoeveelhede. Ongelukkig woon ons in die stad  waar bergstroom water is nie die opsie nie.

 

Die beste plaasvervanger vir bergstroom water is gefiltreerde water.

Gebruik is ʼn KDF tipe filter. Hierdie filter bevat geaktiveerde koolstof om die slegte smake en onaangename reuke te verwyder en chloor uit die water te haal. Verder bevat dit silwer om die water te steriliseer van bakterieë en ander ongewenste lewendige organismes. KDF is ʼn allooi van sink en koper wat swaar metale verwyder, maar goeie minerale deurlaat. Afhangend van die vervaardiger se spesifikasies, filtreer hierdie filter gemiddeld 20 000L water, voordat dit vervang moet word. Die koste is minder as 5c per liter!

 

Omdat kraan water deur groot suiwerings aanlegte gaan en behandel word, voordat dit by die filter ingaan, is die gefiltreerde water arm aan spoorminerale. Dit is dus nodig om die minerale in die water terug te plaas. Die heel beste vorm van minerale is ioniese minerale, wat natuurlik deur rotse by water gevoeg word soos wat die water daaroor vloei. Omdat ons in die stad woon, behoort ons ioniese minerale by die water te voeg om beide, die mineraal balans te herstel en ook die pH van die water alkalies te maak.

Die hoeveelheid water wat jy behoort in te neem, tydens ʼn ontgiftings periode hang af van jou gewig. Hier is ʼn interessante manier om te sien hoe gesond jou liggaam is ten opsigte van die hoeveelheid water wat jy per dag drink.

Jou liggaam is ongeveer 70% water. Om gesond te wees moet hierdie water gereeld geruil word, soos in ʼn opgaar tenk, anders word dit sleg. Indien jy 85kg weeg (70% water van 85kg = 59liter) en 1 glas water van 250ml per dag drink, neem dit 236 dae om die water massa in jou liggaam te ruil met vars water (59L/250ml=236 dae). Indien jy 2L water per dag drink (koffie, tee, sap en koeldrank word nie as water gereken nie) neem dit 1 maand om die water in jou liggaam te ruil. Die ideaal is om die water in jou liggaam elke 2 weke of selfs korter te ruil.

Party mense reken dat jy te veel water kan drink. Indien jy goeie kwaliteit gefiltreerde water met ioniese minerale daarin drink, is daar geen manier om jou liggaam te beskadig met selfs drie keer die aanbevole hoeveelheid water per dag nie.

 

Tot ons weer gesels, hoop ek jy skaf ʼn goeie kwaliteit KDF tipe water filter aan, en begin om jou water inname daagliks te verhoog. Sorg dat jy ioniese minerale in jou water gooi. Sodra jy begin om jou liggaam skoon te maak, mag jy effense ongemak ervaar soos wat die gifstowwe uit die liggaam onttrek word. Hierdie simptome kan naarheid,  hoofpyne en lyfseer insluit maar is van korte duur, gewoonlik drie tot vyf dae. Dis heel normaal, skadeloos en kom bykans by alle persone voor wat hulle liggame skoonmaak.

 

Maak jou liggaam skoon. Begin die pad van volgehoue gesondheid stap om die taak wat God jou opgelê het, met ywer en durf te kan voltooi!


Die gevare van suiker


Deur Christo Lues

 

images-34 copy 5

Die mens is nou maar een maal verslaaf aan iets wat soet is. Sommige mense reken dat dit ‘n aangeleerde smaak is, maar ek twyfel sterk. Van die eerste oomblik dat ‘n baba borsmelk drink, ervaar hy wat soet beteken. Dit is daarom nie vreemd dat ons, ons hele lewe die soeter dinge in die lewe uitsoek nie.

In die natuur is daar baie dinge wat soet smaak, van boombas tot vrugte. Die probleem ontstaan wanneer ons daardie soet smake isoleer en te veel daarvan begin verbruik.

 

Het jy al ooit ‘n mamma gesien wat ‘n kleinding suiker voer, ek bedoel lepel vir lepel soos wat sy pap aan die kleinding sou voer? Natuurlik nie, dis ondenkbaar! Tog is dit presies wat elke dag gebeur, sonder dat ons dit besef.

 

Maar voordat ons na die effekte van suiker op die liggaam kyk is dit belangrik om te weet wat suiker is.  Suiker kom meestal vanaf die suikerriet, en dis heeltemal natuurlik. As jy al aan ‘n stukkie suikerriet gekou het behoort jy die soet smaak daarin te proe. Die suiker is deel van die plant soos God dit gemaak het. Om egter die suiker te kry wat jy in jou tee of koffie gooi word die riet deur soveel as sewentien verfynings prosesse verwerk. Hierdie prosesse raak ontslae van alles wat nie suiwer glukose en fruktose is nie soos, vitamiene, minerale en  vesels. Die eindproduk is sewentien keer soeter as dit waarmee begin is, dus sewentien keer meer gekonsentreerd, gestroop van alles wat goed was in die oorspronklike riet!

Dit beteken dat die 1 teelepel suiker wat jy in jou koffie gooi gelykstaande is aan 17 teelepels rou suikerriet. Al daaraan gedink om 17 teelepels suikerriet in jou koffie te gooi.

 

Wat die verfynings proses regkry, is om al die Godgegewe meganismes, wat verhoed dat jy te veel kan inneem (bloot omdat die volume te veel sal wees), te verwyder en net dit wat soet is in ‘n totaal onnatuurlike hoë konsentraat te voorsien sonder die vitamiene en minerale wat jou liggaam voed. Die verfynings proses verander die suikerriet wat ‘n komplekse plant matriks het na ‘n eenvoudige chemiese molekule. Hierdie onnatuurlike lewelose chemikalie word dan as ‘natuurlik’ en goed aan jou bemark!

Jy word vertel dis goedheid uit die natuur en dat dit ‘n perfekte bron van energie is.

 

Dis interessant om te weet dat toe suiker die eerste keer so geweldig verfynd gemaak is, dit as ‘n kragtige brein-funksie-modulerende middel onder dokters toesig gebruik was, net soos opium!

 

Omdat daar groot internasionale besigheid betrokke  is by die handel van suiker wat eie belange ten alle koste beskerm, sal jy selde hoor wat ek jou volgende gaan vertel.

 

images-34 copy 6

Wetenskaplike studies wys dat suiker geïmpliseer kan word in die groei en verspreiding van kanker, tog word die verbruik daarvan bykans nooit deur enige onkoloog aan ‘n kanker leier as nadelig vir sy herstel van kanker uitgewys nie.

 

Suiker is gevaarliker as rook vir jou liggaam, omdat jy dit reeds van ‘n jong ouderdom af in gekonsentreerde vorm inkry en dit word in amper alle kommersiële kos soorte versteek.

 

Daar is ‘n direkte verband tussen suiker verbruik en die toename in die obesiteit van veral die jonger generasie.

 

Suiker verongeluk die delikate mineraal balanse in jou liggaam, soos byvoorbeeld die van koper, magnesium, en kalsium wat lei tot ernstige toestande soos aneurismes van slagare, verkalking van are en versteurings van kolesterolvlakke.

 

Suiker het ‘n nadelige effek op jou dermkanaal wat die absorbsie van voedingstowwe benadeel en kan lei tot siektes soos Chrone se siekte en ulseratiewe kolites.

Suiker kan lei tot alkoholisme, verswakte sig, diabetes, osteoporose, tand bederf, voortydige veroudering, arteritis, asma en veelvuldige sklerose.

 

In ‘n vorige artikel het ek oor ADD en ADHD geskryf en die gevare van suiker uitgelig. Hierdie is egter net een van die probleme wat suiker in die brein veroorsaak. Suiker kan die delta, alfa, en theta golwe in die brein verhoog wat jou brein se vermoë om helder te kan dink nadelig beïnvloed. Verder kan dit depressie veroorsaak en jou kanse op Alsheimer se siekte verhoog en die frekwensie van epileptiese aanvalle verhoog.

Suiker kan ook jou hormone deur mekaar gooi soos, estrogeen in mans verhoog, PMS in vrouens vererger en ‘n afname in groei hormone veroorsaak.

 

Soos jy kan sien uit ‘n paar nadele wat ek genoem het (en daar is nog BAIE meer) is dit nie die ideale ding om naby jou of jou kind te laat kom, indien jy enigsins gesond wil wees en bly nie. Suiker is nie bloot iets wat jy behoort te vermy as jy gewig wil verloor nie, jy moet dit vermy as jy bloot gesond wil bly.

 

Wat is die alternatief vir suiker?

1.  Kunsmatige versoeters

images-34 copy 8

Stap in enige restaurant in en jy sal ten minste twee soorte suiker (wit en bruin) op die tafel aantref. Onthou tog net dat daar geen verskil is tussen bruin en wit suiker nie, beide is uiters nadelig vir jou gesondheid. Bruin suiker is net so nadelig os wit, en is wit suiker met soet molasse bygevoeg.

Die ander sakkie wat jy sal aantref op die restaurant tafel is die ‘kunsmatige versoeter’. Iemand het een keer gesê: “As God dit nie gemaak het nie, of jy dit nie kan uitspreek nie, moet dit nie eet nie!” Dit is eers waar van kunsmatige versoeters.

 

Onder kunsmatige versoeters verstaan ons dat dit dus op geen manier natuurlik is nie (daarom die naam kunsmatige versoeter) Dis iets wat iemand met ‘n wit jas agter ‘n gesig skerm in ‘n laboratorium ontdek het en as iets voordelig aan jou probeer afsmeer met slim bemarkings foefies.

 

Daar bestaan tans ‘n paar van hierdie chemikalie op die mark wat kwansuis deur die FDA in Amerika en ons eie beheer liggame as ‘veilig vir menslike gebruik’ verklaar is. Hierdie kom voor in dieet koeldranke, gegeurde water, aanmaak sap asook in baie van die liggaams bou drankies of ontbyt melkskommel drankies voor, asook in versoeters soos: NutraSweet, Canderel, Equal, NatraSweet, Splenda, Advantage en Miwon

 

Aspartaam

‘n Onlangse Italiaanse studie het aangetoon dat daar ‘n direkte verband tussen die verbruik van aspartaam en Leukemie (bloed kanker) bestaan asook met limfoom kanker.

Daar is baie tegniese redes hoekom aspartaam so nadelig is, maar laat ek net sê dat onder die regte omstandighede dit in dodelik gevaarlike substanse verander wat veelvuldige sklerose en Lupus tot gevolg kan hê.

Aspartaam is ʼn neurotoksiese  bestanddeel  wat met verskeie gesondheids probleme verbind kan word wat insluit: lighoofdigheid, suisende ore, spier en gewrigs pyne, hoofpyne, angs aanvalle, sleeptong, gesigs versteurings, pankreatitis, hoe bloeddruk, bloedklonte in die niere, epileptiese aanvalle, depressie asook geboorte defekte.

Dit beskadig die brein deur die ‘elektriese draadjies’, tussen brein selle, se insulasie af te breek, wat dan kan veroorsaak dat kortsluitings in die brein plaasvind, wat kan lei tot verlies van sekere liggaams funksies.

 

 

Sukralose is ontdek toe wetenskaplikes op soek was na ‘n nuwe insekdoder. Dit is 600 keer soeter as suiker en word gemaak van suiker wat deur veelvuldige chemiese prosesse verander word. Die vervaardigers roem daarop dat dit nie deur die liggaam geabsorbeer word nie en geen kalorieë bevat nie. Omdat dit so soet is, benodig jy onsigbare hoeveelhede om iets uitermatig te versoet. Om die rede word dit dikwels met dekstrose maltodekstrin vermeng om dit te verdun, sodat jy ‘n lepel daarvan kan gebruik. Hierdie veroorsaak dat dit nie kalorie vry is nie. Wetenskaplikes is dit egter eens dat tot 40% deur die liggaam geabsorbeer en gemetaboliseer kan word, wat deel van die rede kan wees hoekom studies wys dat dit die timus klier met tot 40% kan laat krimp (nadelige impak op jou immuunstelsel), vergrote niere en lewer veroorsaak, en die milt en limf nodes laat krimp.

 

Acesulfame (K) of ACK se veiligheids toetse is deur die vervaardiger self gedoen en nie deur onafhanklike laboratoriums nie. Dit is waarskynlik die rede hoekom die oorpronklike studies wat getoon het dat hierdie chemikalie kanker en skildklier probleme in diere veroorsaak geïgnoreer word. Dit is ook aangetoon dat Acesulfame (K) insulien afskeiding stimuleer, sonder die aanwesigheid van suiker, en dus lae bloedsuiker aanvalle kan veroorsaak.

 

Sakkarine: Is die versoeter wat die meeste studies ondergaan het deur die jare. Dit is steeds nie sonder twyfel as veilig vir menslike gebruik bewys nie. Inteendeel daar is wetenskaplikes wat besorg is oor die moontlike skakel tussen sakkarine en kanker. Vanweë die chemiese samestelling kan dit ook die volgende probleme veroorsaak: vel uitslag met erge jeuk, naarheid, diarree, blase op die tong, hoofpyne, hartkloppings en baie meer.

 

2. Ander alternatiewe vir versoeting.

 

Fruktose of vrugte suiker was vir lank deur gesondheids deskundiges as gesond beskou. Meer onlangse studies wys egter dat dit nie so voordelig is as wat gehoop was nie. Fruktose word baie maklik deur die lewer in vet omgeskakel, en kan die sogenaamde goeie cholesterol (HDL) verlaag, hoe bloeddruk veroorsaak, en insulien weerstandigheid verhoog. Ek kan nie nalaat om te noem dat hierdie die gevolge is van hoe inname van fruktose, soos bv. in konfyt, vrugte sappe, vrugte lekkers en vrugte stafies nie. Dit beteken nie dat jy moet ophou om vrugte te eet nie. Klein hoeveelhede HEEL vrugte kan baie voordelig wees.

 

Xylitol is korter op die mark en alhoewel dit tans as "veilig" beskou word is dit belangrik om te weet dat dit nie natuurlik voorkom nie. Dit word chemies afgelei van ‘n sekere boom bas. Alhoewel dit nie so ‘n negatiewe uitwerking op die gesondheid as geheel inhou soos die kunsmatige versoeters nie kan dit diarree en maagkrampe tot gevolg hê as groot hoeveelhede ingeneem word. 'n Verdere probleem is dat dit die liggaam se pH negatief kan beïnvloed.

Xylitol in klein hoeveelhede het ook voordele soos dat dit die opname van B-vitamiene en kalsium verhoog, tandbederf beveg, varser asem bevorder, beter atletiese prestering bevorder en sinus infeksies teen werk.

Indien dit met ‘kunsmatige’ versoeters vergelyk word is dit dus nie naastenby so nadelig nie.

 

3. Gesonde alternatiewe vir suiker.

Stevia is ‘n ekstrak wat van die Stevia plant se blaar. Dit is 100% veilig vir versoeting. Stevia is nie net veilig nie, maar word in sekere dele van die wêreld as medisyne vir diabete gebruik wat help om die funksie van die pankreas te normaliseer. Dit is beskikbaar in poeier, vloeistof en pilletjies. Dit is baie soeter as suiker en dus benodig jy ‘n baie klein hoeveelheid om die soet smaak te veroorsaak.

Heuning is so natuurlik dat die mens dit nog op geen manier kon namaak nie. Afgesien van heuning se medisinale eienskappe is dit ‘n uitstekende versoeter in klein hoeveelhede. Maak seker dat jy heuning van jou omgewing bekom en maak ook seker dat dit rou heuning is. Rou beteken dat dit nie vernietig is deur radioaktiewe bestraling, pasteurisasie of verhitting nie.

 

Indiese Palm suiker of ‘Jaggery’ wat van die Indiese dadel palm gemaak word en rou verkoop word in gesondheids winkels is goedkoop en is uiters natuurlik en besit self medisinale eienskappe.

Rapandura

Rapandura suiker uit Brazilië is ook natuurlik en voeg 'n wonderlike geur by enige iets waarin dit gebruik word.

Agave


Agave stroop (organies) werk uitstekend in gebak en voeg nie regtig enige geur by kos nie.

Dadels, rosyne en vye kan gebruik word om koekies en ander gebak te versoet.

 

‘n Goeie vriend en kollega van my, Garth Kent, het die volgende filosofie oor dinge wat ons by ons mond laat ingaan, of dit supplemente, drankies of kos is. “Is dit SDGG?” is altyd sy vraag. SDGG beteken, is dit wat jy wil inneem Soos Deur God Gemaak? Indien nie, behoort jy uiters versigtig daarvoor te wees. As jy dit as maatstaf gebruik vir alles wat jy in jou liggaam toelaat, sal jy lank ‘n gesonde tempel besit!

Help, ek het 'n nuwe baba!

Deur Christo Lues

 

Iemand het gesê dat selfvertroue die oomblik is voordat realiteit jou tref! Dit is vir seker waar wanneer mens ʼn nuwe baba het om groot te maak. Vir baie ma’s is dit ʼn skok as hulle tot die volle besef kom dat hul baba volkome afhanklik van hulle is. Sy moet presies weet wat die baba nodig het – en die meeste van die tyd het sy sonder twyfel geen idee wat dit is nie! Dis dan wanneer dit na ʼn goeie opsie lyk om eerder te vlug. . . dis realiteit!

 

Newborn crying

Ek en my vrou het tans agt kinders van ons eie. Ja, een man en een vrou, ek weet dit klink vreemd, maar ons glo regtig die Woord as dit sê dat kinders ʼn seën van die Here is. Hoe dit ook al sy, om die rede het ons amper altyd ʼn baba in die huis, en het ons oor die afgelope seventien jaar baie ondervinding met babas opgedoen. Daarom deel ek graag hierdie kennis met jou, want ek weet hoe jy kan sukkel, en hoe deurmekaar  en soms teenstrydig almal se raad aan jou mag klink.

 

Ek kan met sekerheid sê dat álles wat jy eet ʼn direkte invloed op jou baba het. 

Wanneer jy borsvoed, beïnvloed dit wat jy geëet en gedrink het, jou baba se spysvertering, sy gedrag, en sy slaappatroon! Die algemeenste wanopvatting is dat jy enige iets kan eet en dat net kafeïne jou baba negatief kan beïnvloed.   

 

Sekere kosse kan jou baba ongemaklik laat voel en selfs krampe veroorsaak. Die geheim is om so eenvoudig as moontlik kos te maak en om weg te bly van enige kleur- en geurmiddels. Bly maar by gewone wit see-sout of Himalaja-sout (die pienk sout). Soos wat jou baba ouer word (3-4 maande) kan jy meer geurmiddels soos vars kruie uit die tuin of Kikkoman se soja-sous by jou kos begin voeg.

 

Vermy enige kos wat byvoegsels bevat, veral wors, varkworsies, hoenderwors en boerewors. Bykans alle wors bevat byvoegsels, selfs al is dit natuurlike kruie. Vermy ook spek en enige kos wat in krummels gerol is. Moet ook nie uie, knoffel, broccoli, bone, erte of selfs komkommer eet nie. Bly maar weg van koffie, Cylon-tee, suiker en alle kunsmatige versoeters.

no-msg

 

Kosse soos sop-poeier, Aromat en braaivleisspeserye wat MSG of HVP bevat moet vermy word. Vermy alle geurmiddels en preserveermiddels, selfs natuurlike soute soos Herbamare en kerrie poeier.

 

Die heel maklikste is om by suiwer sout te bly, en ja, ek weet dit kan baie eentonig raak, maar jy as mamma gaan ʼn rustiger baba hê wat makliker gaan slaap, en jý gaan kan slaap. Vermy ook alle produkte wat koring en suiwel bevat. Dit beteken dat jy moet wegbly van meeste ontbyt-grane, pasta, muesli, brood, volgraan en saad-brood, muffins, pro-vita en ander beskuitjies.

 

No Dairy

Moet ook nie enige jogurt, melk, kaas, room, roomkaas of roomys eet nie. Jy kan wel botter gebruik. Koring, suiwel en suiker is sekerlik die grootste bron van slegte spysverterings-reaksies soos ekseem, krampe, slaaploosheid, loop-neuse, oor- mangel- sinus- en keel-infeksie.

 

Op die stadium lyk dit sekerlik vir jou of daar niks oor is wat jy wel mag eet nie!

Daar is wel kosse wat veilig is om te eet. Jy moet besef dat jou baba ʼn groot lading op jou liggaam plaas. Om genoeg borsmelk te produseer, is dit belangrik om jou bloedsuiker so stabiel as moontlik te hou. Al hoe jy dit kan regkry is om die korrekte ontbyt te eet. Daarmee bedoel ek kos wat nie te vinnig verteer en dan jou bloedsuiker te vinnig laat styg nie. Moet nie jou dag met vrugte, jogurt, ontbytgraan of iets lig begin nie.

 

Eet met ontbyt ʼn stysel en diere-proteïen saam. Wanneer jy dit doen, verbrand jou liggaam dit stadig en bly jou bloedsuiker konstant. Eet byvoorbeeld 100% rog- of speltbrood saam met eier (gebak, gekook of geroer), hoender, tuna, salm of enige ander vis. Bly weg van die mayonnaise! Indien jy dieselfde beginsel met elke ete toepas, sal jy voortdurend genoeg energie hê en sal jou bloedsuiker stabiel genoeg bly om jou melkproduksie konstant te hou.

spelt

 

ʼn Uitstekende plaasvervanger vir koringmeel is spelt. Nog nooit daarvan gehoor nie? Spelt is ʼn antieke graan wat nog nie soos koring deur die mens ‘verbeter’ is nie. Jy kan dit by ʼn gesondheidswinkel koop en in jou gewone resepte gebruik om mee te bak.

 

Ander kosse wat gewoonlik nie krampe veroorsaak nie is skaapvleis, hoender, eiers, geroosterde vis, aartappels, rys, botterskorsie, organiese -appels, -pere,         -druiwe, -perskes, -wortels, -sampioene, -skorsies en -patats. Jy kan hierdie met gewone sout en ʼn bietjie botter gaarmaak.

 

Maak baie seker dat jy absoluut geen kos in die mikrogolfoond ontvries, verhit of gaar maak nie. Gebruik liefs ʼn stomer of die stoof hiervoor. ʼn Mikrogolfoond veroorsaak veranderinge in die mikro-strukture van enige kos of vloeistof en veroorsaak ʼn ongewenste reaksie in jou brose jongeling.

 

Wanneer dit by vloeistowwe kom, is water al wat oorbly. Dit is nie waar dat te veel water skadelik vir jou liggaam is nie. Dit is die mees lewegewende drankie wat daar op die aarde bestaan! Die mense drink te min water, veral as jy borsvoed het jy baie water nodig.

 

Wanneer jy borsvoed het jou liggaam baie meer water as normaal nodig. Die water behoort gesuiwer te wees met ʼn KDF en koolstof tipe filter en nie met ʼn  distilleerder of tru-osmose sisteem nie. Ek beveel ook vir alle mammas aan om ʼn mineraal supplement soos Concentrace of ioniese koraal-kalsium sakkies in die water te gooi. Dit sal verseker dat jy nie jou belangrike kalsium en ander minerale uit jou dieet verloor nie. Jy kan ook soms tee soos chammomile met fennel-saad drink. Dit het ʼn strelende effek op jou baba en is boonop baie aangenaam.


 

Raad om te volg wanneer jou baba huilerig is:

 

Maak seker baba is nie te warm of te koud nie. Babas is gewoonlik meer gemaklik as hulle bietjie warmer as ons volwassenes aangetrek is. Hulle lyfies het amper geen natuurlike hitte nie, en hulle word sommer baie gou koud . . . en kyk of die doek skoon is.

 

Maak seker baba se magie is vol gedrink. Moet nie baba slegs 5 minute aan die een bors en dan 5 minute aan die ander bors voed nie. Gee vir baba een bors om leeg te drink. Daarna kan hy eenvoudig aan die leë bors suig sonder dat hy oorvoed word. Soos wat baba groter word gaan hy later al twee borste in een voeding leeg drink.

 

Gee ʼn homopatiese chammomile-poeier – dit help om baba rustig te maak sonder enige newe effekte.

 

Indien hy steeds huil en sy beentjies optrek en jy dink hy het dalk ʼn krampie, druk ʼn Spascupreel-pilletjie baie fyn. Druk jou vinger in sy mondjie en met die speeksel aan jou vinger, neem van die poeier en plaas dit in sy mondjie.

 

Indien jy verkeerd geëet het en hy dalk die effek daarvan beleef, druk ʼn Gastricumeel-pilletjie (homopaties) baie fyn. Druk jou vinger in sy mondjie en met die speeksel aan jou vinger, neem van die poeier en plaas dit in sy mondjie.

 

Indien nie een van die bogenoemde werk nie, is dit moontlik dat baba tydens geboorte ʼn werwel of ʼn gewrig effe ontwrig het. Neem hom na ʼn chiropraktisyn wat ondervinding het om babas hiervoor te behandel.

 

Indien baba deur middel van ʼn keisersnit gebore is, het hy nie die vriendelike bakterie in die geboortekanaal ingekry om sy spysverterings stelsel aan die gang te sit nie. Hiervoor beveel ek ABC Dophilus van Solgar aan. Gee baba ¼ tot ½ teelepel per dag om die probleem te herstel.

 

 

Raad om te volg wanneer baba besig is om tande te kry:

 

Jy kan begin deur te kyk of die tandvleis rooi is. As baba sy vingers ongeduldig eet en soms gille uiter, is dit om jou te laat weet hoe irriterend dit is.

 

Probeer wat ek hierbo aanbeveel, maar indien dit nie werk nie, neem ʼn klein bietjie Traumeel S-salf en smeer dit aan die tandvleis.

 

Indien baba koors ontwikkel, kan jy bogenoemde probeer of vir hom Engystol-pilletjies gee. Druk die pilletjie baie fyn. Druk jou vinger in sy mondjie en met die speeksel aan jou vinger, neem van die poeier en plaas dit in sy mondjie. Hierdie help om die immuun stelsel te stimuleer. Indien dit aanhou kan jy Viburcol -setpille gebruik. Dit is 100% veilig en natuurlik.

 

Raad om te volg wanneer baba brand-boudjies het:

 

Hierdie kan as gevolg van tande wees.

 

Wend ʼn klein bietjie Squaline, (van Sevenpointfive) na elke doek wat jy omruil, aan die boudjies. Traumeel S-salf kan ook aan die boudjies gesmeer word.

 

Was baba se boudjies liggies met lou warm water na elke vuil doek en droog dit saggies af.

 

Dis baie belangrik vir jou om aanvullings te neem. Swangerskap, geboorte en borsvoeding neem baie uit jou liggaam en jy behoort ʼn paar supplemente te neem om jou liggaam in ʼn goeie toestand te hou.

 

Begin met ʼn goeie multivitamien formule, die bestes is beskikbaar in gesondheidswinkels. Ek beveel ʼn multivitamien met hoë vitamien B5 (goed vir die stres) van Viridian aan. Neem een met ontbyt.

 

Neem Omega SLO (van Sevenpointfive). Ek beveel dit spesifiek aan omdat dit omega 3 en Squaline bevat asook ander bestanddele wat jou borsmelk uitstekend verryk en jou liggaam van essensiële boublokke vir hormone voorsien.

 

Neem baie water met minerale in soos ek hierbo verduidelik het.

 

Om jou melkproduksie te verhoog, vermy tog asseblief die chemiese middel wat so graag aanbeveel word. Probeer eerder die natuurlike kruie soos fenegriek in tee of kapsule vorm. Drink baie skoon water.

 

Die seerste seer is seker wanneer die nippel kraak, bars of bloei. Baba moet verkieslik aanhou voed aan die bors en mamma moet sterk bly. Smeer ʼn klein bietjie Kamillosan of Lansinoh voor en na elke voeding aan. Dit is belangrik om met die eerste tekens van seer borste, bogenoemde aan te wend. Ons het gevind dat ‘tepel skanse’ uiters effektief is om tepels kans te gee om te herstel tussen voedings. Dit help om die tepels droog te hou en hou klere wat kan skaaf weg.

 

Indien jou tepels reeds so seer is, dat jy skaars daaraan kan raak, mag dit raadsaam wees om jou melk vir ʼn dag of twee uit te pomp om jou tepels kans te gun om te herstel. Laser behandeling deur ʼn fisioterapeut mag help om die helings proses te versnel.  Hierna kan borsvoeding voortgesit word en kan jy voor en na elke voeding ʼn klein bietjie van bogenoemde salf aanwend om jou tepels te beskerm. Hou aan om die ‘tepel skanse’ te gebruik totdat jy 100% herstel het.

 

Indien jy rekmerke ontwikkel het of ʼn nare wond opgedoen het, is Squaline uiters effektief vir die herstel van die wond en dit help om merke te minimaliseer. Wend ʼn klein bietjie aan op die wond of rekmerk. Dis ook raadsaam om net na die geboorte Traumeel S-druppels te neem om jou liggaam se herstel aan te help.

 

Indien jou borste stu of swel of inflammasie ontwikkel, kan jy rou kool blare binne in jou bra druk en gereeld omruil. Ons vind dat Lymphomyosot N  en Traumeel S uiters effektief is om die inflammasie op te klaar. Drink baie water.

 

Psalm 127 en 128 beskryf watter absolute seën kinders is. Gaan lees dit gerus. Ek hoop hierdie help jou om jou baba regtig baie te geniet. Gaan besoek gerus ʼn homeopatiese dokter wat jy vertrou indien jy steeds met baba sukkel. Gaan aanlyn en besoek ons webtuistes waar nog raad beskikbaar is.

Hoekom baie nie hulle potensiaal bereik nie

Die atrikel is nooit geplaas nie

Deur Christo Lues

 

Jare gelede het ek met ʼn volwassene in die geloof gesels. In die loop van die gesprek noem hy toe dat hy dink Satan die Christene met ʼn baie groot leun gevang het. Nuuskierig om te weet wat hy bedoel het ek hom daaroor uitgevra. Sy antwoord het iets soos volg gelei.

Vir jare word ons grootgemaak met allerhande lekkernye. Ons geniet van kleins af om lekkertjies, koekies, gegeurde melkies ens. te eet en word ook daarmee beloon.

Soos wat ons groter word, begin ons dan koffie drink met lepels vol suiker daarin. Ons begin gaskoeldranke drink wat belaai is met suiker of kunsmatige versoeters. Ons eet vinnige wegneem etes van bekende handels merke, wat presies weet hoe om ons jong mens verbeelding vas te vang met ʼn waardelose speeldingetjie wat ons “gratis” kry as ons die kindermaaltyd bestel.

 

Wanneer ons tieners word, en nou ons ‘eie kop’ kan volg, is daar die ligte alkoholiese drankies, wat stelselmatig ons jongmens brein voorberei op iets sterker wat in die toekoms gaan volg. Omdat ons as jong tiener groot word, en liggaamlik begin ontwikkel,  raak ons onseker oor waar ons behoort in te pas, en is ons maklik beïnvloedbaar deur vriende, wat rook en geleentheids dwelms gebruik. Ons dink baie keer dat ons tog nie deur ons ouers verstaan word nie, en dat ons vriende ons baie beter verstaan en dat wat ons saam met hulle doen, rigting aan ons lewe gaan gee, ten minste word ons as deel van die groep gesien.

 

Soos wat ons meer kontak met die werklikheid begin verloor, begin ons na iets meer soek, en vind dit dikwels in seksuele verhoudinge. Omdat ons bang is dat ons ouers ons gaan uitvang begin ons maklik leuens vertel oor allerdaagse nuttlooshede.

 

Wanneer ons oud genoeg raak begin ons na-skoolse opleiding of ons soek ‘n werk wat ons kan besig hou, en darem kan betaal vir my en die maat wat by my ingetrek het  en met wie ek soms ʼn seksuele verhouding het.

 

Later verdien jy meer geld, en jou aansien styg, as dit nie gekortwiek word deur swak gesondheid, of swak karakter eienskappe soos leuens,  flirtasies en ander afstootlike gewoontes nie. Jy eet gereeld uit by die aanvaarde sosiale uithang plek, waar die vriende is, en die kos swak is.

 

Kort voor lank besef jy dat jou saamwoon maat nie die een vir jou is nie, en begin jy soek na iemand vars, iemand nuut, net om uit te vind dat jou maat swanger is. Op die punt maak jy een van twee keuses, jy besluit om uit blote pligsbesef met haar te trou, of julle besluit as ‘volwassenes’ om die ‘ongewenste swangerskap te termineer’. Jy regverdig dit baie maklik omdat julle nie ʼn kind in hierdie gebroke wêreld wil inbring nie.

Die keuse was ʼn gemors en julle begin mekaar beskuldig vir wat fout gegaan het. Kort voor lank is julle uitmekaar, of indien julle getroud was, nou in die egskeidings hof.

 

Omdat jou binneste pyn oor die situasie begin jy depressief raak. Jy wil nie pille drink nie, daarom is enige vorm van alkohol ʼn uitweg. By die werk neem stres toe omdat jou produktiwiteit afneem. Omdat alkohol nie in werksure aanvaarbaar is nie, gebruik jy sigarette as die naas beste uitweg om jou ‘stresvolle’ werk  te kan hanteer. Kort voor lank is jou werk op die spel, en jy bevind jou in ʼn ‘loopbaan’ situasie waar jy of jou werk gaan verloor, of toegee aan ʼn goedkoop seksuele verhouding wat vir ʼn kort tydjie uitkoms bied.

 

Later ontmoet jy weer iemand, trou en kry twee kinders. Jy gebruik chemiese kontrasepsie of kry ʼn klein ‘snip-snip’ operasie. Jou kinders en werk is jou hoof fokus in die lewe. Jy ry agter hulle aan, ry hulle rond en kry hulle met ʼn gestoei deur skool en op universiteit.

 

Skielik is jy veertig! Die helfte van jou lewe is verby. Dit tref jou soos ʼn hamer voor die kop  -  dat jy nog bykans niks blywend in die lewe bereik het nie. Skielik lyk die groot huis en die twee karre nie meer so wonderlik nie. Jy begin wonder of daar dalk ʼn ander pad vir jou was, ʼn pad wat jy gemis het? Is hierdie regtig waaroor die lewe gaan? Jy besluit om die gedagte uit jou kop te skuif, want jy moet fokus, jy het vanmiddag ʼn dokters afspraak. Jy het die laaste tyd nie so goed gevoel nie.


Die telefoon lui. Dis die dokter wat skakel om te sê jy moet hom dringend kom sien, daar was iets ‘abnormaal’ in jou roetine bloedtoets.

Jy kom uit die dokter se spreek kamer, verslae, jy kan dit glad nie verstaan nie, hoe kon so iets jou getref het.

Jy bevind jouself met hande vol pille, wat geweldige newe effekte veroorsaak na jou ‘lewensreddende’ operasie.

Jy onthou skielik dat daar een is wat jou gesond kan maak – God.

 

Wat hierdie wyse man probeer uitbeeld het, was dat ons as Christene ons lewe en ons liggame vir ongeveer veertig jaar oorgee aan ons eie giere en luste.

 

Hy gaan toe verder deur te vertel hoe anders dit kon gewees het, en dat ons, ons kinders hieroor behoort te leer.

 

Ons behoort van kleins af ʼn gesonde leef patroon te volg vir beide liggaam en siel. Ons moet leer, dat as ons net een liggaam, en een lewe het, en alhoewel God baie genade het, daar ook blywende gevolge van ʼn roekelose lewe gaan wees.

 

Ons moet van kindsbeen af leer dat ons nie per ongeluk gebore is nie. Dat God ʼn definitiewe uitgewerkte plan vir ons lewe het. Dat God die beste vir ons in stoor het en dat ons dringend moet uitvind wat dit is. Daar word gesê dat as God ʼn nood in die wêreld sien, hy ʼn kind in die wêreld instuur. Ek wonder baie keer hoeveel goddelike politieke leiers, prokureurs, ingenieurs, mode ontwerpers, fotograwe, regisseurs, boere, besigheids manne ens. nooit gebore is nie, omdat hulle ouers kortsigtig was.

 

Sy slot woorde was dat Satan ons vir hierdie leun gevang het, van vergrype aan als wat lekker smaak, lekker klink, lekker lyk en lekker voel.

Wanneer ons egter rondom veertig jaar, die fleur van ons bediening behoort binne te gaan, vind ons uit dat ons cholesterol, bloeddruk, diabetes, arteritis, hartomleidings, bors kanker, gebroke huwelike, rebelse kinders, skuld, depressie en baie meer ons totaal immobiliseer. Hierdie goed neem dan so baie energie om te beveg, dat ons nooit by die roeping uitkom wat God vir ons beplan het.

 

Wat staan jou nou te doen?

Die beste raad wat ek jou kan gee is om self verantwoordelikheid vir jou eie lewe te begin neem.

Neem verantwoordelikheid vir jou eie geestelike groei. Neem verantwoordelikheid vir jou verhoudinge met jou maat, jou kinders en vriendskappe.

Neem verantwoordelikheid vir jou eie gesondheid. God het alles tot jou beskikking gestel. Hy het egter ook ʼn woord van waarskuwing gegee toe Hy gesê het, dat  als aan jou gegee is, maar nie als voordelig vir jou is nie.

 

Vir jou gees en jou gedagtes:

Ek beveel een resep aan: keer terug na die ou wee toe. Keer terug na die Woord van God toe. Die handleiding van die mens was nog nooit so nodig om te volg soos nou nie. Jesus het gesê dat hy die Vader sal bid om vir ons ʼn ander helper te stuur, die Heilige gees, wat ons in alle waarheid sal onderrig. VRA Hom, wat jou te doen staan, en toets ALS wat jy hoor aan die Woord. Gebruik die Woord van God as die lig vir jou pad en die lamp vir jou voet. Lees en bestudeer dit daagliks en vra die Gees om dit vir jou oop te breek.

As die Here iets aan jou openbaar,  - Neem aksie!

 

Vir jou liggaam:

As jou liggaam optimaal funksioneer, is dit soveel makliker vir jou denke om helder te funksioneer.

Keer terug na natuurlike medisyne, soos God dit in die natuur gegee het.

ʼn Paar basiese en eenvoudige dinge wat jy kan doen om beter te voel sluit onder ander die volgende in.

Probeer om sover as moontlik kos te eet wat nie met chemikalie behandel is nie. Eet organiese groente, eiers, vleis en matige hoeveelhede vrugte.

 

Maak seker jy drink genoeg skoon water. Water wat oormatig gefiltreer is, is uiters nadelig vir die liggaam, soos byvoorbeeld, tru-osmose filter of gedistilleerde water. Ek beveel eerder KDF gefiltreerde water aan. Maak seker dat die water wat jy drink ʼn pH van hoër as 7 het. Meer hieroor op my webtuiste.

Sorg dat jy daagliks uitstekende anti-oksidante, salm olie, minerale en vitamien inkry. Ek het al baie hieroor geskryf in vorige uitgawes, lees dit weer.

 

Sorg dat jy alle suiker uit jou dieet uitsny. Indien jy oorgewig is, probeer om vir 90 dae, ALLE soet goed uit jou dieet uit te skakel – selfs vrugte. Jy kan weer later matig vrugte eet. Onthou, die ding wat vet maak en are verstop is nie vet nie, maar fruktose. Fruktose is die ding wat die soet smakie aan daai lekkernye gee. Bly weg vir 90 dae, en kyk wat jou gewig, bloeddruk en cholesterol doen.

 

Vermy alle geprosesseerde vleis soos, salami, polonie, koue vleis, spek, rooi worsies, visvingers ens.

Ek beveel gewoonlik aan dat jy jou eetplan volgens jou bloedgroep begin aanpas, ek sien al vir ʼn dekade uitstekende resultate daarmee. Gebruik dit as riglyn vir wat vir jou voordelig of nadelig is.

 

Stap daagliks vinnig vir vyftien minute as gesin. Gaan doen iets saam met jou maat wat julle nog nooit gedoen het nie!

 

Na vyf dae behoort jou energie te begin terug keer, en sal jy vroeg genoeg kan opstaan om te hoor wat die Here vir die jou te sê het.

Is jou hart seer?

Uit Manna Nov/Des 2008 (Un-edited)

Deur Christo Lues

 

Die hart is die middelpunt van al ons emosionele wese. Wanneer jou hart seer is, lei jou hele liggaam daar onder. Ons fisiese hart is nog meer belangrik, en as hy siek word, is ons in groot moeilikheid.

 

ʼn Maand of twee gelede was die hele land aan die praat oor die hartoperasie wat op nasionale TV uitgesaai was. Dit was voorwaar verstommend om te sien hoe die hart binne in die borskas klop en wat moderne tegnologie kan doen om iemand te help.

Almal is meer bewus daarvan om te sorg dat hulle hartsake in order is. Net soos met ons emosionele hartsake, is dit belangrik om te sorg dat die raad wat jy oor jou hart kry, korrek is, anders kan jou hart dalk nooit optimaal funksioneer nie of kan jy sterf.

 

Die moderne media is baie aggressief met die verspreiding van inligting oor hartvatsiektes.  Ongelukkig is die populêre aanbevelings wat die rondte doen nie altyd in lyn met goeie wetenskaplike feite nie. Indien jou are verstop is met cholesterol, is die eerste ding wat jou dokter aanbeveel, dat jy ʼn geen vet dieet moet volg. Die soort dieet is uiters gevaarlik, omdat jou liggaam vet nodig het om, brein funksies, sel bou funksies en hormoon vervaardiging te kan uitvoer. Indien jy gehoorsaam is, en dit doen, behoort jou cholesterol te normaliseer na wat populêr aanvaar word as ʼn veilige vlak.

Indien nie, skryf jou dokter ʼn Statin voor. Die werk van hierdie chemikalie is om jou cholesterol vlak af te dwing tot die veilige vlak, en dit is dan ook presies wat gebeur. Jy, en jou dokter, is dan gelukkig dat als nou onder beheer is, of so wil hy glo.

 

ʼn Studie wat in die Lancet gepubliseer is, het daarop gewys dat bykans drie kwart van mense wat in die hospitaal beland, met verstopte are, se cholesterol normaal is! Dit beteken dat die dokter tevrede is dat hierdie persone se cholesterol onder die gevaarlike hoë merk is, maar dat hulle are steeds aanhou om te verstop. Dit gebeur dan ook gereeld dat hierdie persone herhaalde omleidings of stente moet kry, ten spyte daarvan dat hulle ʼn normale cholesterol waarde het.

 

Dit spel een ding: Ons oog is op die verkeerde bal. Ons kry die cholesterol af maar dit help nie om lewens te red nie.

Om die waarheid te sê, die bal wat ons dophou werk nie net nie, maar is ook baie gevaarlik! In sy boek “Did your Doctor Tell You?” wys die gerespekteerde Suid Afrikaanse Professor Willem Serfontein op die gevare wat statins inhou, dit sluit onder andere in:

· Verhoogde kans op Kanker,

· Onderdrukking van Insulien vlakke (wat lei tot Diabetes)

· Verswakking van die hartspier (wat lei tot hartversaking)

· Onderdrukking van die immuunstelsel

· Dood van die fyn senu punte in die liggaam

· En nog baie meer!

Nogal ernstige newe effekte, van iets wat jou behoort gesond te maak!
 

Nog ʼn studie wat ook onlangs in die Lancet gepubliseer is wys daarop dat Omega 3 (visolie) baie meer effektief is om lewens te red as wat Statins is.

 

Baie geleerdes probeer rondom die probleem kom deur te redeneer dat jou cholesterol waarde van 4 dalk te hoog is vir jou. Hoe dit ook al sy, die cholesterol trein rol voort en die farmaseutiese maatskappye oes groot.

Daar is egter baie gesonde individue wat rondloop met ʼn hoë cholesterol en wat perfekte are het met geen verstoppings nie.

 

Die vraag ontstaan dan, wat is die eintlike probleem? Hoekom verstop die are? As cholesterol nie die groot vyand is nie, wat is dan?

 

Indien ek jou sou vertel van iets wat veertig maal meer akkuraat is as cholesterol, om hartvatsiektes te voorspel, behoort jou hart vinniger en warm te klop.

 

Wel dis waar. Indien jy ʼn klein bietjie eie inisiatief aan die dag lê, kan jy hierdie toets laat doen en bepaal wat jou eintlike risiko vir hartvatsiektes is.

 

Hierdie belangrike ding waarvan ek praat is Homosistien. Homosistien is ʼn aminosuur wat deur ons liggaam gemaak word uit ons normale dieet. Indien die homosistien waarde in jou bloed te hoog raak, kan jy sommer ʼn hele wa-vrag van siekte toestande ontwikkel en dit sluit in:

· Hartvatsiekes,

· Hartaanvalle

· Osteoporose

· Infertiliteit

· Beroerte

· Kanker

· Diabetes

· Seksuele wanfunksionering

· Hoë bloeddruk

· Alsheimer se siekte

· Geboorte defekte

· En sommer nog 40 ander.

 

Terwyl jou liggaam homosistien maak, deur bloot ʼn normale dieet te volg, word homosistien omgeskakel na twee ander produkte toe. Die een is Sam-e, ʼn hormoon wat jou laat goed voel, die ander is Glutathione – ‘n antioksidant wat jou brein beskerm.

Die probleem ontstaan wanneer die omskakeling van homosistien na hierdie twee voordelige bestanddele, vertraag word of oneffektief raak. Dan bou homosistien op in die bloed en kan veroorsaak dat cholesterol en ander bestanddele aan die binnekant van jou are begin vasplak.

Die rede hoekom die omskakeling van homosistien oneffektief raak, is omdat die mikro – voedingstowwe wat die omskakelings proses moontlik maak, nie beskikbaar is nie. Redes hiervoor kan wees dat jy dit nie inneem nie, of dat jy dit inneem, maar weens ‘n suur pH, absorbeer jou liggaam dit nie genoegsaam uit jou dieet nie.  

 

Net soos cholesterol is homosistien van kardinale belang vir die normale funksionering van jou liggaam, daarsonder, is ons in groot moeilikheid!

Wanneer die vlakke egter verhoog, as gevolg van redes wat ek hierbo genoem het, raak die effek daarvan op die liggaam negatief.
Om te bepaal wat jou vlak van homosistien is, moet jy ʼn patoloog besoek wat ʼn bloedmonster sal neem om die waarde te toets. Dit is nodig dat jy vir ten minste tien ure voor die toets vas, so ek beveel gewoonlik aan dat jy dit eerste ding in die oggend doen en daarna ontbyt eet. Dis egter toelaatbaar om water te drink.

 

In Suid Afrika is die aanvaarbare waardes vir die homosistien lesing tussen 5 en 15. Neem byvoorbeeld ʼn geval waar jou bloeduitslag ʼn waarde van 10 aandui, volgens die patoloog (en jou dokter) is hierdie waarde perfek. Die Suid Afrikaanse strekwydte van 5 tot 15 is ongelukkig te wyd, en kan baie misleidend wees.

Indien jy egter die beste vir jou hart en hartvate wil doen, behoort jy te poog om jou homosistien waarde onder 7 te kry. In ander dele van die wêreld is die boonste grens reeds verlaag, om die net nouer om die veilige sone te trek.

 

Om jou homosistien waarde af te bring is ook nie te moeilik, of duur nie, en jy hoef nie duur en gevaarlike chemikalie te neem daarvoor nie.

 

Daar is ʼn paar vitamiene en minerale wat nodig is om te neem, en dan behoort jou waarde stadig te verlaag tot binne die veilige vlak van onder 7.

 

Indien jou waarde tussen 9 en 15 is, kan die volgende help om die waarde te verlaag:

· Folien suur - 1200 mikrogram

· Vitamien B12 -  1 mikrogram

· Vitamien B6 – 75 mg

· Vitamien B2 – 20 mg

· Sink  - 15 mg

· TMG 2000mg

Neem dit dan daagliks. Indien jou waarde laer is, byvoorbeeld 8, kan jy die hoeveelhede halveer en indien dit bo 15 is, is dit raadsaam om effe meer te neem.

 

Indien jy dink dit klink te ingewikkeld vir jou, maak gerus ʼn draai by jou naaste gesondheids winkel, want daar is bestaande formules beskikbaar wat al hierdie aanvullers in een kapsule bevat. Neem hierdie aanvulling vir twee maande, en laat jou waarde dan weer toets. As als goed gaan behoort jou waarde aansienlik laer te wees. Indien jy sukkel om jou waarde af te bring, is daar meer areas van jou gesondheid wat ook aandag nodig het, hiervoor beveel ek aan dat jy na my DVD reeks, Understanding The Health Puzzle, kyk.

 

Dit is egter ook belangrik om van jou gewoontes effe aan te pas. Hier volg ʼn paar riglyne.

· Verminder inname van te vetterige vleis, en eet organiese vleis waar moontlik.

· Vermy egter alle margarien en vervang dit eerder met ʼn bietjie botter of palm vrug olie (Carotino) en moenie olyf olie gebruik om jou pan te smeer nie. Die verhitting van die olyf olie maak dit ongesond, gooi dit eerder oor jou kos, nadat jy dit gebraai het.

· Eet organiese groen groentes.

· ʼn Huisie knoffel ʼn dag is baie voordelig – indien die smaak te sterk is, kan jy dit sommer insluk soos ʼn kapsule.

· Vervang gewone wit tafel sout met organiese Himalayan Kristal sout – hierdie sout is gebalanseerd met al die minerale en is baie voordelig om te gebruik, veral, as jy hoë bloeddruk het.

· Verminder jou inname van kafeïne soos in koffie, tee en sjokolade.

·  Beperk jou inname van alkohol tot ʼn minimum.

· Neem ʼn goeie maak multivitamien, verkieslik in kapsulevorm.

· Neem 3000mg tot 6000mg Omega 3 per dag.

· Neem ʼn wye spektrum anti-oksidant.

· Indien jy rook, is dit bykans onmoontlik om jou homosistien vlak te verlaag.

· Sorg dat jou liggaam se pH alkalies is – soos ek in vorige artikels verduidelik het moet jou speeksel ph omtrent 7.5 wees.

· Verhoog jou water inname.

· Kruie soos rooi peper en “Hawthorn” bessie is uitstekende natuurlike tonikums vir jou hart. Indien jy op cholesterol medisyne is of was, is dit uiters belangrik om met ekstra Co-ensiem Q10 aante vul, aangesien hierdie chemiese middels Co-Q10 uitput wat lei tot hartversaking.

 

Ek het ʼn klomp tegniese inligting met jou gedeel, maar dit is baie belangrik om korrek na jou liggaam om te sien. Wanneer ons liggame optimaal funksioneer, kan ons optimaal in die koninkryk van God aangewend word.

Indien jy meer oor die onderwerp wil weet, raai ek die volgende verdere leesstof aan;

The H-Factor, deur Patric Holford en Dr James Braly.

Did your Doctor tell you? Deur Professor Willem Serfontein, uitgegee deur Struik.

Is voedsel aanvullers nodig?

Deur Christo Lues

Uit Manna Sept/Oktober 2008

 

vitamins

Die moderne tye word gekenmerk deur die elektroniese media. Kanse is baie goed dat jy al blootstelling gehad het aan verwarrende media berigte oor voedsel supplemente. Jy het waarskynlik ook al gewonder of dit regtig nodig is om vitamine te neem, want, sê die media baie keer, dis oneffektief en net ʼn geldmaak besigheid.

 

Wat bydra tot die verwarring is dat sogenaamde mediese kenners soms gevaarlike uitlatings maak soos:

· Alles wat ons liggame benodig, kry ons in ʼn gesonde gebalanseerde dieet.

· Daar is nie bewyse dat aanvullers veilig is nie.

· Aanvullers veroorsaak net duur urine.

· Daar is geen bewyse dat vitamine enige terapeutiese effek het nie.

Indien jy dan die kenner in jou lewe daaroor uitvra, wat gewoonlik jou dokter of dieetkundige is, sal hulle sonder om te blik of te bloos dadelik bogenoemde stellings bevestig.

Indien jy egter ʼn gerespekteerde kenner op die gebied van natuurlike medisyne raadpleeg, gewoonlik ʼn naturopaat of kliniese voedingkundige, sal jy ʼn heel ander beeld kry.

As jy die soort uitlatings lees of hoor is jy dan so verward dat jy sommer niemand wil glo nie en ophou om enige supplemente te neem.

 

Wat is die waarheid?

 

In die vorige uitgawe het ek gesê die eerste plek om te begin, is om te verstaan dat as jou liggaam uit gesonde selle bestaan wat goed gevoed is, dit gesonde weefsel sal vorm. Gesonde weefsel sal dan gesonde organe vorm. Gesonde organe vorm dan gesonde sisteme, en wanneer sisteme gesond is en optimaal funksioneer, kom simptome nie voor nie. Die boublokke van ons selle is ondermeer:

 

· 72 spoor minerale wat al ons ensiem prosesse laat werk,

· 26 Vitamine wat ons immuunstelsel, brein en ander funksies laat werk,

· 21 Aminosure wat ons brein, spiere en ander funksies voed,

· 2 Essensiële vetsure (omega 3 & 6)  

· 8 suikers wat die kommunikasie tussen ons selle hanteer

· antioksidante wat ons selle beskerm teen vrye radikale, wat ons uit besoedeling en ander bronne opdoen.

 

Indien ons nie hierdie mikro voedingstowwe op ʼn daaglikse basis inneem nie word ons selle arm aan voeding en kan siektes begin ontstaan. As jy dan die onnatuurlike medisyne roete volg word jy nooit die ontbrekende voedingstowwe aangebied nie, maar eerder giftige chemiese middels, terwyl jou selle skreeu vir kos! ʼn Honger sel kan nooit gevoed word deur ʼn chemiese middel, bestraling of deur dit weg te sny nie.

 

Moderne boerderymetodes en voedsel prosesserings  metodes stroop voedsel van  hierdie uiters belangrike mikro voedingstowwe, en ons liggame kry dit nie meer genoeg mikro voeding deur dieet in nie. Voorbeelde hiervan is kunsmis formules wat meestal net 3 van die 72 belangrike minerale bevat. Wanneer jy 3-2-1 of 2-3-2 op jou gras of blomme strooi, gooi jy ʼn mengsel van Kalium, Stikstof of Fosfor op jou plante (3 minerale), maar jy is kort aan die ander 69 uiters belangrike minerale. Die drie minerale is al wat nodig is om of mooi vrugte te dra, of mooi blare te groei, bv. spinasie, of wortels, beet en uie.

 

Wat sake verder versleg, is, omdat boere nie alles in die grond terug plaas wat nodig is nie, word die plante siek, net soos ons selle. Die boer volg dan dieselfde onnatuurlike chemiese pad om die honger plant te behandel, en spuit giftige middels om die plant siekte vry te maak. Net soos in die liggaam gaan die siekte simptoom vir ʼn kort rukkie weg, maar die middel veroorsaak ook intussen ander probleme.

In die grond waar die plant groei, leef daar miljoene mikro organismes wat deur die middel gedood word. Hierdie is nodig om van die grondstowwe om te skakel vir plant voeding. Dit gebeur dan nie meer nie en die plant word weer siek, waarop meer chemiese middels toegedien word, net soos in ons liggame. Baie van hierdie middels word sistemies deur die plant opgeneem en wanneer ons die plant eet, kry ons oorblyfsels van hierdie chemiese middels in en dit kan weer katastrofiese gevolge in ons liggame tot gevolg hê.

 

Wanneer vrugte of groente aan die plant ryp word, gebeur daar wonderlike dinge. In die laaste paar uur van die ryp word proses stel die pitte van die vrug, phyto-chemikalieë vry in die vrug. Hierdie plant chemikalieë is deels om die vrug te bewaar, en deels vorm dit die bou blokke van ander baie belangrike mikro voedingstowwe wat ek vroeër genoem het naamlik, vitamine, die agt suikers en ook ʼn reeks anti-oksidante.

 

In die moderne wêreld van massa boerdery, ketting winkels, supermarkte en lang raklewe, is dinge egter drasties verskillend van hierdie idilliese voedsame vrugte en groente. Om die tamatie rooi op die supermark rak te kry, word dit groen gepluk, lank voor dit aan die plant kon ryp word. Dus word daardie uiters voedsame plant chemikalieë nooit vrygestel nie, met die gevolg dat die vrug mooi lyk, aanvaarbaar proe, maar weinig van die mikro voeding bevat.

 

Jy mag dalk organiese groente en vrugte by jou bekende hoë kwaliteit voedsel en kleding ketting winkel koop en reken jy is goed gevoed. Organies geproduseerde produkte word gewoonlik nie met giftige middels behandel nie, en dus is jy vry van daardie gifstowwe in jou gebruik van die produk. Alhoewel organies geproduseerde produkte verseker beter is as nie-organiese produkte, eet jy steeds ʼn vrug of groente wat nie aan die plant ryp geword het nie omdat dit ook te vroeg gepluk word. Jou selle trek dus steeds aan die kortste ent wat voeding betref.

 

Dieselfde probleme geld ook ten opsigte van hoender, skaap en bees boerderye

 

Die vraag ontstaan dan, watter supplemente, hoe gereeld en hoeveel behoort ek te neem.

Eerstens is dit belangrik om te besef dat alle voedselaanvullers nie gelyk is nie. Miskien het jy al met mense te doen gehad wat een of ander natuurlike produk aan jou wil verkoop en jou hand mond beloof dat hierdie maak die heel beste in die wêreld is, dat dit deur een of  ander professor of dokter onderskryf word ens.

Alhoewel dit in uitsonderlike gevalle waar mag wees, word mense se persepsies baie beïnvloed deur hoeveel geld hulle daaruit maak. Die feit dat een of ander geleerde of bekende persoon die produk gebruik of onderskryf maak dit nie noodwendig die beste in die wêreld nie.

 

Hoe weet mens of ʼn aanvuller goed of sleg is?

 

Daar is ʼn paar maatstawwe om die kaf van die koring te skei.

1. Die chemiese vorm waarin die aanvuller voorkom. Neem bv. kalsium wat een van die mees algemene aanvullers is. Meeste kalsium aanvullers is in die elementale vorm(soos uit die grond gehaal), wat beteken dit is ʼn klip. Wanneer laas het jy ʼn klip vir aandete gehad? Die mens is eenvoudig nie gemaak om klippe te eet nie. Indien jy die klip baie, baie fyn maal, bly dit steeds klip en is steeds baie moeilik absorbeerbaar vir die liggaam. Die vorm van kalsium is dus nie ʼn goeie keuse nie. Ook moet kalsium altyd saam met ander minerale voorkom om goed deur die liggaam opgeneem te word. Die beste vorm van kalsium is gesuiwerde ioniese koraal kalsium van Okinawa in Japan. Hierdie kalsium kom in ʼn sakkie wat jy in jou filter water gooi en dan deur die dag drink. Dit bevat ook al (72) minerale wat jou liggaam nodig het vir optimale funksie. Hierdie soort kalsium is ook die enigste manier wat effektief die liggaam se pH kan beheer, soos ek in die vorige artikel verduidelik het.

2. So na aan God se skepping as moontlik. Neem ʼn vitamien aanvulling wat so natuurlik as moontlik is. Van die mees bekende vitamien formules word van sintetiese vervaardigde vitamine gemaak. Alhoewel dit steeds effektief is, kan jy beter doen deur te soek vir iets wat van plantaardige materiaal gemaak word.  Dis gewoonlik meer natuurlik en is makliker vir die liggaam om te absorbeer. Probeer altyd om ʼn aanvuller te neem wat so omvattend as moontlik is, dis beter as om tien talle verskillende middels te neem.

3. Hoeveel bottels is nodig? Mense vra my gereeld vir een pil wat als bevat. Dit is om te vra vir een kossoort wat als bevat wat jy nodig het – dit bestaan nie. Sommige vitamine is water oplosbaar terwyl ander vet oplosbaar is. Die twee meng nie in een kapsule nie. Dis nodig dat jou liggaam al die voedingstowwe wat ek bo genoem het daagliks moet inkry om optimale voeding te verseker. Daar is goeie produkte beskikbaar wat die regte soort minerale, plant afgeleide vitamine, suikers en antioksidante bevat. Onder normale omstandighede behoort die volgende voldoende te wees. Multi -Vitamien formule, Koraal Kalsium sakkies vir jou water, ʼn wye spektrum anti-oksidant, Hoë kwaliteit visolie vir omega 3 en ʼn supplement wat die 8 suikers bevat.  Sorg dat jy die beste kwaliteit koop wat jou sak kan bekostig.

4. Oppas vir die gratis ekstras. Wanneer jy volgende keer jou aanvuller koop, kyk vir die ‘onaktiewe’ bestanddele of gewoon die bestanddele lys. Hierdie dui die vullers, bindmiddels, vloeimiddels, kleurmiddels, geurmiddels en preserveermiddels aan. Jou supplement, behoort geen van hierdie te bevat nie. Indien daar nie so ʼn lys op jou bottel verskyn nie, los die maak en soek ʼn vervaardiger met integriteit.  Oppas vir die goedkoop reekse op ketting winkel rakke. Wees veral versigtig vir kinder supplemente wat helder kleure, suiker en ander geurmiddels en preserveermiddels bevat. Dis ook die beste om produkte te koop wat in bruin of blou glas bottels en in kapsule vorm eerder as tablet verpak word. Jou gesondheids winkel kan gewoonlik die beste raad in die geval gee.

5. Hoeveel is daagliks nodig? Baie vitamien vervaardigers wys ʼn 100% RDA waarde. Die “Recommended Daily Allowance” is veronderstel om genoeg vir jou te wees. Hierdie is egter baie ou en soms arbitrêre waardes met min of geen effektiwiteit nie. Indien jou selle baie honger was vir ʼn lang tyd, benodig jy meer aanvulling. Die goue reël is, gebruik soveel as wat vir jou effektief is. Besoek weereens jou gesondheids winkel en vra vir ʼn aanvuller wat tipies baie hoër as RDA waardes bevat.

6. Voedsel aanvullers is wat die naam aandui. Dis nie medisyne nie. Dis eenvoudig substanse wat kortkom in ons dieet, en daarom ontstaan siektes. Om mediese aansprake te maak vir voedsel of voedsel aanvullers is baie misleidend. Omdat dit bloot voedingstowwe in kapsule vorm is maak dit, dit nie ʼn medisyne en dus gevaarlik nie, dis bloot kos vir jou selle.

7. Jy het duur urine nodig. Mense vra gereeld of die aanvullers nie net duur urine produseer nie. Die feit dat as jy water drink en daarna urineer is ʼn normale fisiologiese funksie. Beteken dit dan dat omdat jy water uitskei, jy dit nie behoort in te neem nie? Natuurlik nie! Dit het tog belangrike funksies in jou liggaam voordat dit uitgeskei word. Dieselfde is ook waar vir kos wat jy eet en aanvullers wat jy neem. As die liggaam dit nie kon uitskei nie en dit kon net akkumuleer in die liggaam (soos sommige chemiese middels) sou aanvullers giftig gewees het.

Die beste wat jy kan doen vir jou en jou gesin, is om jou eie kennis oor die onderwerp te verbreed. Kontak my gerus of kyk na die DVD reeks Understanding the Health Puzzle.Op die manier kan jy die beste besluite maak vir jou individuele behoeftes.

Jy is wat jy eet

Uit Manna Maart/April  2008

Christo Lues

 

bad food

Met die moderne tegnologie wat beskikbaar is in landbou en voedsel verwerking behoort die kwaliteit van ons kos beter en beter te word. Die teenoorgestelde is egter waar, meer en meer siektes toestande ontwikkel en wel op ʼn vroeër ouderdom as in die verlede. Selde koppel media en ander bronne hierdie toename aan die moderne dieet wat ons het, anders as om te se ons moet geen vet eet nie.

 

In die vorige uitgawe het ons gesels oor water en hoe om jou liggaam skoon te maak deur die regte soort en hoeveelheid water in te neem. Ons sien hierdie as die eerste en die mees belangrikste begin om jou liggaam skoon te maak.

 

Die volgende legkaart stuk in die skoonmaak van jou liggaam is die kos wat ons eet.  Baie mense verkeer onder die wan indruk dat kos maar weinig invloed op ons liggaam het anders as om ons vet of maer te maak. Ons besef gewoonlik nie dat ons dieet direkte invloed op ons gesondheid het nie.

 

Met soveel verskillende opponerende diëte wat die lig sien, is dit geen wonder dat die meeste mense moed opgee om te probeer gesond eet nie.

 

Die meeste christene met wie ek konsulteer, glo, dis eenvoudig genoeg om te bid oor jou kos en dan is alles reg en goed vir die liggaam. Ek wonder soms of ons regtig verstaan wat dit beteken om te bid voor ons eet?

In die tye toe Jesus op die aarde geloop het, was daar nie die moderne preserveermiddels en prosesserings prosesse  wat daar vandag bestaan en wat  die oorspronklike voedsame kos stroop van uiters noodsaaklike mikro voedings stowwe nie. Die landbou was nie gekommersialiseerd soos vandag met kunsmatige voedings stowwe, groei hormone, genetiese modifikasie en gifstowwe nie.

Die voedsel van antieke tye was baie ryk in minerale, vitamiene en essensiële plantaardige chemikalieë.  

 

Die gebruik om vir jou kos te bid kon dus nie betrekking gehad het op die voedings waarde (of die gebrek daaraan nie) maar het eerder ʼn geestelike konnotasie. Daar was gereeld offers aan vreemde gode gebring. Paulus verduidelik dit baie mooi as hy sê dat enige iets waaroor jy bid geheilig of afgesonder gemaak word deur dit aan God te wy deur gebed. (1Timoteus 4:5)

Dit beteken nie dat ʼn stuk hout in ʼn filet verander word deur gebed nie, of dat jou uitstekende bemarkte gunsteling koeldrank van gif vir jou selle in ʼn lewegewende drankie verander nie.

 

Watter soort kos is dan reg en goed vir ons liggame?

Die bladsye van hierdie tydskrif is nie genoeg om dit breedvoerig te bespreek nie, maar ek sal ʼn paar riglyne gee waarvolgens jy jou dieet kan bepaal. Ek gee meer breedvoerig aandag aan die aspek in die reeks : Understaning the health puzzle.

 

In die tuin van Eden het God vir Adam en Eva gesê  wat hulle kan eet en dit was net plantaardige kos (Genesis 1:29-30).

 

Daarna kom die sonde val en God jaag hulle uit die tuin uit. Nadat hulle uit die tuin is, bly die dieet dieselfde. (Genesis 3:18)

 

Dan kom die sondvloed en nadat die aarde totaal verander het gee God vir Noag ʼn ander dieet. Hulle kon nou als eet wat beweeg. Met ander woorde, hulle kon nou alle vlies eet, asook plante. (Genesis 9:1-4)

 

unclean food

Van Noag tot by Moses verloop daar ʼn tyd waar mense als kon eet wat hul kon vang of pluk.

In Levitikus 11 verander God vir altyd die mens se dieet. Hier gee hy toe vir die mens net sekere kosse om te eet. God gee vir Moses ʼn koderings stelsel om te bepaal of iets rein of onrein is.

Vir meeste Christene is hierdie bepalings van die Ou Testament egter vergete wettiese reëls. Dis tog interessant dat ons die tien gebooie as tydloos sien en geen aandag gee aan wat God gee as dieet nie. Miskien moet ons weer kyk na wat God voorstel.

 

Ongelukkig word baie moderne christene verwar deur die wit laken wat Petrus gesien het (Hand 10:9-16). In kort was die betekenis van die wit laken uit die hemel met onrein diere daarin, nie dat onrein diere nou rein was nie, maar bloot dat die evangelie na die heidene geneem kon word(Hand 10:19,28). Meer hieroor in die DVD soos ek vroeër genoem het.

 

Wat sê God dan oor ons eet gewoontes?

Om die vraag in ʼn moderne samelewing te antwoord is dit belangrik om te sien wat God oor ons liggame sê:  

“Of besef julle nie dat julle liggaam ’n tempel van die Heilige Gees is nie? Julle het die Heilige Gees, wat in julle woon, van God ontvang, en julle behoort nie aan julleself nie” 1 Korintiërs 6:19

Ons liggame is ʼn tempel van God. Dis duidelik uit hierdie en ander gedeeltes dat God sy tempels op aarde, goed daaruit wil laat sien. As jy jou tempel met gesonde voedsame kos bou, sal dit goed lyk en lank kan hou. As jy egter verfynde ongesonde kos  gebruik om jou tempel mee te bou gaan dit nie goed lyk nie en sommer gou siek word en verbrokkel.

 

 “Daar is mense wat sê: ALLES is my geoorloof.” Ja, maar nie alles is heilsaam nie. “Alles is geoorloof,” sê hulle. Ja maar alles is nie opbouend nie. (1 Korintiërs 10:23)  Sal jy byvoorbeeld dood neerslaan as jy vark eet? Nee, beslis nie, maar gereelde gebruik daarvan kan nare gevolge hê (moderne wetenskap bevestig dit), so ook van die ander soorte kosse wat God sê ons nie behoort te eet nie.

 

Deur ondervinding het ek gesien dat as die mens probeer om God se skeppings reëls en voorskrifte te verbeter, dit gewoonlik katastrofies eindig.

 

In daaglikse konsultasies met honderde kliente het ek oor jare gesien dat daar basies drie groot allergene is.

 

Die eerste is koring produkte. Ja u het reg gelees – koring. Die probleem daarmee is dat die oorspronklike koring sewe gene gehad het maar deur dit te “verbeter” sodat dit pes bestand is, in amper enige toestand groei en baie groot opbrengste kan lewer, word dit nie meer effektief deur ons spysverterings ensieme afgebreek nie. Dit veroorsaak dan dat ons liggame verskeie negatiewe reaksies toon. Omdat koring in amper alles is wat ons eet, verbind ons dit selde aan ongemaks toestande soos spysverterings, vel, sinus en ander probleme.

ʼn Wonderlike plaasvervanger vir koring is spelt. Spelt is baie nader aan die oorspronklike koring korrel. Dus verstaan ons liggame hoe om dit af te breek en te gebruik. Moenie skrik nie – kyk net rond in gesondheids winkels en jy sal dit maklik opspoor. Gebruik jou eie bestaande resepte en vervang jou koring meel eenvoudig met spelt meel.

 

Die tweede groot allergeen is melk en melk verwante produkte. Ons gebruik melk, kaas en jogurt op ʼn daaglikse basis. Omdat melk gepasteuriseer en gehomogeniseer word, word al die ensieme wat God daarin geplaas het om ons liggame te help om dit te verteer vernietig. In ons spysverterings stelsel heers daar dan konstante oor produksie van spysverterings ensieme wat in mukus voorkom. Sistemies verhoog mukus produksie in ons liggaam en ons is meer geneigd tot lugweg infeksies, sinus probleme en oor probleme soos ons sien in klein kindertjies wat gereeld jogurt eet en melk drink. Borsmek is ALTYD die beste.

In die plek van melk kan rys melk met gemak gebruik word. Nou wonder jy dadelik waar jy jou kalsium gaan kry? Wel, die kalsium wat jy uit die melk behoort te kry is maar taamlik moeilik absorbeerder vir jou liggaam omdat die pasteurisasie proses die kalsium kristal struktuur beskadig. Soos ek in die vorige artikel genoem het is die koraal kalsium in die water ʼn beter opsie vir goeie kalsium. Donker groen blaar groente is ook ʼn goeie bron van kalsium.

 

Die derde groot allergeen is suiker.

images-34 copy 5

Meeste mense dink hulle gebruik min suiker. Dit mag wees, maar het jy al oorweeg hoeveel verskuilde suiker jy inneem in koeldranke, fyngebak, ontbyt graan, nageregte, roomys, toebroodjie smere, koffie en tee?

 

Omdat suiker ongeveer sewentien keer verfyn word voordat jy dit inkry, is dit totaal gestroop van alle goeie mikro voedings stowwe en kry jy basies suiwer glukose in.

Glukose vereis amper geen omskakeling in jou spysverterings kanaal nie en word baie vinnig deur die liggaam opgeneem en maak jou buierig omdat dit jou bloed suiker vlakke te vinnig laat styg. Na so ʼn vinnige styging reageer die liggaam deur oor te kompenseer en te veel insulien af te skei, wat jou bloedsuiker vlak weer te vinnig laat daal. Dit is hoekom jy so ʼn emosionele “hoog” ervaar nadat jy suiker ingeneem het, maar kort daarna ʼn laagtepunt beleef, as jou bloedsuiker vlak weer val. Op die langduur kan dit jou kanse op diabetes baie verhoog.

Suiker onderdruk ook jou immuniteits stelsel. Dit maak dat jy meer vatbaar is vir bakterie wat jou selle probeer binne dring.

Die beste plaasvervanger vir wit of bruin suiker is natuurlijke "Rapandura" Suiker. Dit kan ook met gemak in gebak gebruik word en werk net soos suiker in en die hoeveelhede bly ook dieselfde as suiker in jou resepte. Kunsmatige versoeters is nooit ʼn goeie alternatief vir suiker nie.

 

In kort is dit belangrik om die dinge uit jou dieet te verwyder wat die meeste probleme veroorsaak. Oor ʼn lank tyd met baie mense het ek besef dat koring produkte, melk produkte en suiker die meeste gesondheids wanbalanse veroorsaak of vererger.

Ek glo ook ons moet terugkeer na die Woord en meer aandag gee aan wat God voorstel as goed sleg vir sy skepsels en gelukkig is daar wonderlike gesonde voedsame alternatiewe wat ons met gemak kan gebruik om ons boere etes aantreklik en smaaklik voor te berei.

 

Is jy te suur?

Deur Christo Lues

Uit Manna van Julie/Augustus 2008

 

Soos baie ander dinge in die lewe, word ons gesondheid ook deur ʼn paar grondbeginsels onderhou. Ons Skeppergod, het toe Hy ons liggame gemaak het, bepaal dat ons aan sekere beginsels onderwerp sou wees. Ons moet bv. voedsame kos en water inneem, genoeg oefening en rus kry anders neem die funksies van ons liggame doodgewoon af en sterf ons, dalk voordat ons die taak wat Hy ons opgelê het, kon voltooi.

 

Gout

In vorige artikels het ons gekyk na die kwaliteit en hoeveelheid water wat ons liggame nodig het, ook watter soorte moderne kossoorte probleme in ons liggame mag veroorsaak en hoe ons dit met uitstekende alternatiewe kan vervang. Ek kry gereeld vra oor hoe mens regtig seker kan wees dat jy gesond leef , is daar dan nie ʼn manier wat mens kan gebruik om te bepaal hoe gesond jy  regtig is nie, of leef jy maar net voort en hoop vir die beste?

 

Baie van die moderne mediese wetenskap is egter beperk tot die behandeling van ʼn siektestoestand, nie die voorkoming daarvan nie. Daar is bv. meer as die helfte van mense wat in die hospitaal beland met aangepakte are, wie se cholesterol vlakke normaal is. Dit beteken dood eenvoudig dat die groot geveg teen cholesterol nie so effektief is as wat ons wysgemaak word nie, iets anders is ʼn belangriker faktor in  die aanpaksels in ons are – meer hieroor op ʼn volgende keer.

 

Jou dokter en polisieman is goeie ouens om byderhand te hê wanneer ʼn noodsituasie onstaan. Maar net soos die polisieman maar min kan doen voordat ʼn misdaad gepleeg is, kan jou dokter min doen aan jou gesondheid voordat ʼn simptoom kop uitsteek. In baie gevalle is dit dan reeds te laat. By vyftig persent van vroue, met hart probleme, is die eerste simptoom, wanneer hulle dood neerval – sonder enige vroeëre waarskuwing of simptome!

 

Die moderne manier van siektes behandel is om te wag tot ʼn simptoom voorkom en om dan daardie simptoom te probeer onderdruk deur behandeling. Neem bv. ʼn hoofpyn wat behandel word deur ʼn hoofpynpil te neem. Die hoofpyn is egter selde ʼn toestand in dit self, dis veel eerder ʼn waarskuwings sein van die liggaam dat iets onderliggend fout is. Maar as ons die hoofpyn behandel het, deur dit te onderdruk, voel ons, ons was suksesvol. Die onderliggende probleem is egter steeds daar en soek slegs na ʼn volgende manier om jou te laat weet dat daar ʼn probleem bestaan.

Sien, ʼn simptoom onstaan in ʼn sekere sisteem (bv. die spysverterings stelsel). Sisteme bestaan uit spesifieke organe (bv. die maag of die kolon. Organe bestaan uit weefsel en die weefsel bestaan weer uit selle.

Wanneer ons dus ʼn simptoom soos ʼn hoofpyn behandel, gee ons bloot die liggaam ʼn chemikalie wat die orgaan binne in ʼn spesifieke sisteem vir ʼn tydjie buite aksie stel en jou op die oppervlak beter laat voel. Die onderliggende weefsel en selle is egter steeds ongesond, en wanneer die orgaan dan weer begin lewe voel, kom die simptoom weer na vore. Dit raak dan ʼn bose kringloop totdat ons genoeg van die orgaan gehad het en dit laat uitsny – wat steeds nie die probleem oplos nie, aangesien God dit daar geplaas het vir ʼn baie spesifieke rede, en dit kan nie nou meer vervul word nie.

Ek sien gereeld mense wat sommer ʼn lys chemiese pille neem. Een vir bloeddruk, een vir cholesterol, een vir diabetes en dan voel hulle so depressief dat ʼn antidepressant en slaappil ook nodig is. Hierdie konkoksie laat die kolon dan gaan stil staan, en daarvoor gebruik hulle dan ʼn gewoontevormende lakseer middel. So dink hulle dan het hulle al die simptome goed behandel...

 

 

Wel, daar is maniere om te weet of jy gesond is en hoe gesond jy regtig is.

Die eerste plek om te begin is om te verstaan dat as jou liggaam uit gesonde selle bestaan, sal hulle gesonde weefsel bou. Gesonde weefsel sal dan gesonde organe vorm. Gesonde organe vorm dan gesonde sisteme, en wanneer sisteme gesond en optimaal funksioneer, kom simptome nie voor nie.

Die vraag is dan, hoe weet jy dat jou selle gesond of ongesond is?

Gesonde selle word gevoed deur mikro nutriënte, waarvan ons daagliks sommer ʼn hele klomp benodig waaronder; 72 spoor minerale, 26 Vitamiene, 21 Aminosure, 2 Essensiële vetsure, 8 suikers, antioksidante en nog meer. Omdat ons moderne kos ons nie meer van baie van hierdie voedingstowwe kan voorsien nie moet ons dit gewoonlik in een of ander soort aanvulling inneem. Hieroor sal ons op ʼn volgende keer gesels.

Wat egter baie meer fundamenteel is, is dat ons hierdie mikro voedingstowwe moet kan absorbeer, tot in die selle, wat dit nodig het om korrek te funksioneer, en dan begin om gesonde weefsel te bou, wat op hul beurt weer gesonde organe bou en so voorts totdat ons werklik gesond is.

 

Die sentrale faktor in jou liggaam wat bepaal of voedingstowwe opgeneem word of nie, is iets wat ons jou pH noem. Dit is doodgewoon ʼn aanduiding van hoe suur of alkalies jou liggaam is. Ek moet dadelik noem dat baie mense dit verkeerdelik met maagsuur en sooibrand verbind, nee die suur of alkali waarvan ek hier praat is die soort ding wat kan veroorsaak dat jy seer spiere of seer gewrigte of talle ander siektes ontwikkel.

pH

Vergelyk dit met jou swembad. As die pH balans van jou swembad te suur is, gewoonlik onder 7 dan begin dinge skeef loop. Alge en ander goggas begin groei, die water raak troebel en kan later begin sleg ruik. Wanneer die pH egter bo 7 is, gewoonlik 7.2, is dit alkalies en kan hierdie soort goggas nie groei nie en geniet almal die plesier van skoon helder blou water.

 

Dit werk baie dieselfde in jou liggaam. Wanneer die pH te suur is kan goggas soos bakterie en ander begin groei en siektestoestande begin ontwikkel. Hierdie suur pH in ons liggame is dan ook die mees belangrike faktor wat bepaal of ons voedingstowwe die selle bereik, al dan nie. Ons kan die pH meet deur ʼn eenvoudige speeksel toets te doen met ʼn stukkie litmus papier. Wanneer die litmus papier met die speeksel in aanraking kom verander dit van kleur na gelang van ons pH. Gewoonlik word die papiertjie meer geel of groen as ons suur is of blou as ons pH alkalies is.  Die pH van ons speeksel verteenwoordig die pH van ʼn belangrike oordrag vloeistof tussen ons bloedvaatjies en ons selle, en die pH hiervan behoort ʼn ideaal van 7.5 te handhaaf. Indien die pH onder 7 is kan oordrag van ons mikro voedingstowwe nie effektief plaasvind nie en word ons weefsel selle siek as gevolg van te min kos, en dan begin die proses van ongesonde organe ens. weer van voor af.

 

In die allerdaagse lewe is daar sommer baie dinge wat kan maak dat ons te suur is. Die grootste hiervan is dit wat ons verkeerd eet en drink. Hierdie is die verfynde of geprosesseerde kosse of  kosse of koeldrank wat belaai is met suiker of ander suur vormende bestanddele en wat gewoonlik gestroop is van goeie voedingstowwe.

Soos wat ek in ʼn ander artikel verduidelik het is dit van kardinale belang dat ons water moet inneem wat genoeg minerale bevat en waarvan die pH meer alkalies van aard is. Hierdie is een van die beste maniere om te verseker dat ons pH aan die alkaliese kant van sake bly.

 

Om die kolon nie skoon en gereeld te ledig nie, is seker een van die grootste faktore wat meeste mense wat ek sien kortwiek. Wanneer ons die kolon nie ten minste twee maal per dag ledig nie, kan van die voedselreste wat te lank in die kolon bly begin afbreek in giftige produkte. Hierdie produkte word dan opgeneem in die stelsel en veroorsaak dat die stelsel se pH meer en meer suur word.

Een van die beste maniere om die kolon aan die gang te kry is om daagliks 2 eetlepels lyn saad in ʼn groot glas water te neem. Dit gee die baie nodige vesel aan die kolon om sy ontgiftings en uitskeidings taak effektief te verrig. Dit spreek van self dat ʼn dieet wat genoeg, gesonde vesel bevat sake net kan verbeter. Soos ek in ʼn ander artikel genoem het is genoeg goeie kwaliteit water  van uiterse belang wanneer vesel ingeneem word anders kan die hoë vesel teen produktief wees as dit in die kolon vassteek omdat daar te min vloeistof is om gladde beweging te verseker.

 

Spreuke 14:30 “’n Rustige hart is die lewe vir die vlees, maar hartstog ’n verrotting vir die gebeente.”

Wanneer ʼn mens te veel stres of spanning beleef, of wanneer ʼn mens in onvergewende bitterheid leef , word jy suur. As jy suur word en nie die nodige alkaliese water en voedsel inneem nie, neem jou liggaam kalsium uit jou bene om te keer dat jy dadelik sterf. As die situasie dan lank voortduur, word massas minerale uit jou bene onttrek, en ontstaan osteoporose of een of meer van ʼn reeks degeneratiewe soort siektes.

 

Om gesond te wees is en te bly, is dit dus baie belangrik dat jy sorg dat jy gesonde selle het. Gesonde selle het mikro voedingstowwe nodig en kan dit slegs opneem as jou pH alkalies is en die ideaal is om jou speeksel se pH by 7.5 te hou.

My gebed is dat hierdie jou sal help om ’n rustige hart te hê en dat dit lewe vir jou vlees sal wees, sodat jy jou Godgegewe roeping op aarde tot eer van ons Vader kan uitleef.


© Eirene Health Shop 2017